منابر المغرب

مرحبا بك زائرنا الكريم منابر تفتح لكم أحضانها وتعوكم للمساهمة في منابرها أي مساهمة منكم دعم لتلامذتنا وأبنائنا
منابر المغرب

منابر التربية، المتعة والإفادة تشكيل وإدارة الأستاذ الكبير الداديسي

عزيزي الزائر المشرفون على المنتدى يبدلون مجهودا لإفادتك سجل نفسك وساهم ولو بكلمة واحدة
منابر تدعو كافة المنتديات والمواقع التربوية لتشكيل رابطة وطنية للمنتديات والمواقع التربوية التعليمية
يمكننا التواصل من خلال eddadissi2002@gmail.com

    أمثال مغربية 2

    شاطر
    avatar
    الكبير الداديسي
    Admin

    عدد المساهمات : 934
    نقاط : 2736
    تاريخ التسجيل : 08/01/2011

    أمثال مغربية 2

    مُساهمة من طرف الكبير الداديسي في الثلاثاء مايو 10, 2011 3:38 pm


    1 مال المجحاح ياكلو المرتاح .
    2 اللهم الخبزالبايت ولا سفنج الشمايت.
    3ألمعقول يطول والمزاح يزول .
    4 السلف هم و لو يكون درهم ،والسفر هم ولو يكون من قبل ،والزواج هم و لو يكون من بنت العم .
    5 زين الخلالة و البلى من الدخالة.
    6 معرفة الناس كنوز .
    7كثرةالري كتخليك بلا ري.
    8 كل ما فالكدرت(القدرالطنجرة) المغرفة تخرجو.
    9 أنت يا الحمى(الحماة) وجه الدلو و ولدك الوجه الحلو.
    10 تفكر حبيبك و هواه و تفكر فعالو و نساه.

    11إلى قلت ليك آسيدي،ما تبعنيش فالسوق.

    12 اللي ما عندو تليس ما عندو لا جمعة ولاخميس.
    13 اللي شاب و ماتاب شيبو خسارة،كيف العود اليابس بلا نوارة.

    14 اللي ما عندو البالي ما عندو الجديد.

    15اللي كيصرف كثر من كيصور على المحال كيدور.

    16اللي تخدمو طيعو و اللي ترهنو بيعو.
    17اللي كرهك ما يعلم ما يقول فيك .

    18اللي يحبك بالطمع يجي يوم منك يشبع.
    19 اللي بغى فقرو(الاحترام...) يجبد وقرو.

    20اللي ما صاب ما يدهيه يجيب الزراع و يقليه.
    21اللي طحن يطحن من الصحيح أما الراشي يديه الريح.
    22 اللي مكتوبة فالسما ما يمحيها ما .


    23 شافونا كندخنو سحابلهم فالتريد كنسخنو
    24 لو كنت عرفت الكلب يعضني كن رخيت لو شرويطة.
    25ما دارو الرحى حتى عياو من تغزازو .
    26ما كيعطي الدرا (منديل الرأس) غير ألي قطعاتلو امو ليزار.
    27 اللي مولف بالسعاية ما كيبغيش خبز الدار.
    28 شد كلبك قبل ما يذوق خبز الناس.
    29 سبعة ديال النسا والقربة يابسة .
    30 اللي ما صابهاش فشلو النعاس حسنلو.
    31الغيوان فيا والشغل نكري عليه.
    32اللي غرسوها يديك يفرح لها قلبك .
    33 سير عند المطلقة تسحر ليك.
    34 اللي معلق الحجاب بلا أجرة،بحال اللي معلق حجرة.
    35 الغابة كيحرقها عود منها.
    36عزيز النفس يعطي ألحق ما يطلبو.

    37درجة درجة حتى يحن مول الرجا.
    38أقل ما فالزواج يعري .
    39أحسن عون اللي قتل ،أما اللي تقتل دار علاش.
    40ما قداوش اللي باتو عساك اللي جاو فالصباح.
    41 قلة النية فيا ولا فيك دابا يطول الزمان ويبان الخداع.
    42 قد الكسوة قد اللي تسوى.
    43 اللسان الرطب كيتعطى فالدية.
    44 الصلاة عادة،و الصوم جلادة،و اللي تبغي تجربو جربو فهذا.
    45 اللي كذب فالجاري،كذب فالباري.
    46صيحة صاحت فالسماء، العروسة أكبرمن الحماة.
    47يدين الحرة فالطعام يدام،ويدين الخادم جذام.
    48إلى جعت كل الرمان ،والى شبعت كل الرمان.
    49إلى قلت لك ودني ،باش من فم ناكلو.
    50الماء ديال البير ولا جميل القرابة،برنيقش ولا جميل العنابة.
    51 الله يرحم الطاهرة مسكينة ،اللي عملت الشوى من القرع،والكباب من الملوخية،ولكفتةمن الدنجال.
    52 لا توريشي القرد كيف يخسر وجهو.
    53 الكحل للنار :005:(قلب أسود)والقصير للنار :005:لا يصل الرحم)والطويل للنار:Sadطويل اللسان).
    54 هذا عام مكشوف شي ياكل وشي يشوف
    55 يا الشايب يا المشبب يا القابض الطريق البعيدة،الناس درسات وحرثات وانت عاد غادي للحصيدة.:ggg:
    56أمشى الحمار يقلب على القرون رجع بلا ودنين.
    57أزطم وقيس :ggg:،الزمان مغيس.
    58أبن آدم الخاوي خاوي،وخى تقيل تداوي:
    59هضرنا مع أصحاب العقول الكبيرة،أما البGري ما يندز وخى تكون صوفتو طويلة.
    60للا عكى وتعكي:1aa: وخيالها يبكي :cray: .
    61الناس حاGرين عليا ،وانا حاGر عليك أعويشة.
    62طويلة وعوجة ما تجي قدها حتى حاجة:
    63أنا جالس فمكاني وابن آدم ما هناني.:
    64اللي ماعندو مغرفة كيحرق يديه.:
    65يا من يضحك والضحك فيه ،سالفو مدلي والصيبان فودنيه.
    66الى عجبك حالك رد بالك.
    67 قالو : الصبر من الجدود ولا من الجلود،قاليه : ما يصبر غير اللي كيجود.
    68كيقولو : أعمل الثلث نعمة ،والثلث ماء ،والثلث نفس.
    69قال ليه :آش خصك العريان؟ قاليه:خصني الخواتم أمولاي.
    70 قالت العودة:منين ولدت أولادي ،ما أشربت مايا صافي ولا علف وافي.
    71 قالت المراة:نولد عشرة ونجلس تحت الشجرة .
    72 قاللو :آجي نسرقوا بالطبل ،قاللو: الغيطة تسترنا.
    73 قاللو :باش كتاكل الشوك أعمي الجمل ؟ قالهم : باللسان الرطب.
    74قاللو :باش كتعرف ربي ؟قاللو: بتبدال السوايع.
    75 قاللو :فين مشى جحا ؟قاللو:مشى يتكرى قاللو :وديالو؟ قاللو:كرى عليه .
    76 قاللو :أشمتك ،قاللو :أعرفتك.
    77 قاللو :منين كتجيك الفران العافية ؟قاللو :من فمي .
    78 قاللو :آش خصك الشارف؟ قاللو :خصني البنت مولات السوالف.
    79 قاللو :الذيب فالغنم ؟قاللو :تسنى حتى نربيو السلوكي.
    80 قاللو هاذ الشي كتير قاللو فرقو وتراه
    قاللو راني مغطي غير بالرملة .قاللو حمد الله على رميلتك لايجي الريح ويديها لك.
    81 قاللو:كتب بنتي ماتطحنش ,قاللو ,كتب بنتو ماعندها ماتطحن .
    82قاللو ابا فوقاش نولو شرفا؟ قاللو حتى يموتو كبار الحومة.
    83قاللو شحال القوس أمول القوس؟ قاللو صبر دابا يجيك بلافلوس.
    84قاللو آش صنعتك ؟قاللو نفار.قاللو الحمد لله على رمضان اللي تقاضى .
    85قاللو على من كيموت الواحد؟قاللو على بلادو ولا على ولادو.
    86قالو للحمقة زغرتي قالت لهم الدار ضيقة.
    87قاللو آش المعمول يا القاضي فعويشة ؟قاللو طلقها وانا ناخدها.
    88 قاللو آش خبار المريض؟ قاللو آشخبار اللي مقابلو.
    89قاللو كحز .قاللو ظهر الحمار قصير
    90قاللو فين غادي يا العيب ؟قاللو غادي ن عيب.
    100قاللوشكون اختك آالفولة؟قاللت :اللي معايا في المزود.
    101قاللو منين داك الغصين ؟قاللو من ديك الشجرة.
    102قاللو فوقاش دخلت للقصر؟قاللو من بعد العصر.
    103 اللي فاتت أيامو يتصنت لعظامو.
    104 الى شفتي لحية دصاحبك تحسنات فزg لحيتك.
    105 بنادم السفيه ماكيقول غير اللي فيه.
    106 بنادم السفيه ظاهر من عينيه.
    107 مول الصبر كيجبر .
    108 آش عندك الموت ما تدي من الديور الخالية.
    109 بوفسو (طائر) حط على الشجرة وقالها سمحيلي أميمتي الى ثقلت عليك .
    110 العيد مشى وخلى الهيدورة مفرشة.
    111دير الخير فدارك عاد شوف جارك .
    112 ضرب الميزان وميلو الى غلى راجل أمي يكيلو .
    113العين بلا ماء بحال العقل بلا فهامة.
    114 خدمتو على راسو واجميلو على الناس.
    115 أولاد اليوم غير الهدرة و القمقوم والطولة فاتت السلوم .
    116 السمية فقيه خصو اللي يوريه.
    117 الى بلاك الله بالحديد شريه جديد.
    118كيف تعملي نعملك ما انت ربي ترحمني.
    119العرس سبيل ومن قال فيه شي هبيل
    120كلشي هتوف غير الزرع والصوف
    121واخا يدير لي عراضة من الذهب عمر عيبو ما يذهب
    122اللي يتسنى عشا جارو يبات جيعان
    123 اللي باعك بالفول ,بيعو بقشورو
    124 بكراع دجاجة قضى حاجة
    125كن عند رجلين باك ولاتكون عند راس نسيبك
    126ماصاب مايلعق يصدق.
    127السما بعيدة على نبيح الكلاب.
    128 الله يحفظنا من ثلاثة مثلتين:العمى والزحف والسخط.
    129 إللي يعيب ينوض يطيب .
    130 إديناه للفقيه يكتب ليه على الشخير، زادنا :بف.
    131 جيتي الله يخليك،مشيتي الله يهنيك،حتى انا قلبي مامولفشي بيك.
    132 طولتو مو سريبب،gفطتو موعريgب.
    133 الضيف ضيف ،وخى يبقى الصيف والخريف.
    134 مع من دايراه يدي،قاليه:مع خدية.
    135 آش داك للعراس امنتوفت الراس،يا الدايرة الدلادل( السوالف ) من خيزو.
    136 آح باللحالح ،الزبدة حرشة والسكرمالح.
    137 آح على المشماش اللي طاب وماحلاش و ديناه للسوق وما تباعش.
    138 ساسنو احمر مزوق،خلاه فالحبل معوق.
    139 الله الله ،ما بقى لا طاس ولا يدو،ولا خادم اللي ترفدو.
    140 اللي ماعندو شيخ،الشيطان شيخو.
    141 اتاي ورضا الوالدين ،ما يشبع منهم حد.
    142 اللا هنية،جاب الله الملك بلا نوية.
    143 آشنو هو تيتي(نوع من الطيور) ،واشنو هو مرقتو.
    144ـ من دارالعرس ما نخرج أنا،إلى غُبشوا هما نضحك أنا.
    145 خيار خيار ما تخليك فغيار.
    146 من لاين لاين يا الحمار بو ودناين.
    147كلام الناس كلو وسواس كيقلب الذهب نحاس.
    148وري لي خيمتي ونوريلك نيتي.
    149الى بغيتي تعدم صاحبك سلفو .
    150كاين اللي عندو جوابو في فمو ,وكاين اللي داسو في كمو ,وكاين اللي حتى يشاور مو.
    151اللحية اللي نطيعها نتفها
    152اللي راشي دغيا يطيح واللي ثقيل ماتهزو ريح واللي بعقلو ديما مليح
    153 اللي كيجلس فالبيبان،الكلب واليهودي والشيطان.
    154 الناس بالناس والناس بالله.
    155 المراة ديال الزمان من كبت الماء كتبان.
    156 عقربة فالغار ولا الضرة فالدار.
    157 أشكون عيشة فسوق الغزل ؟
    158 أشكون عبو فسلاس؟
    159 أشكون عرفك يا عزة فسوق العزى؟
    160 أشكون يقول للسبع فمك خانز؟
    161 أشكون شافولك المكحلة فالظلام؟
    162 أشكون عطاك العيد تفرح بيه؟
    163 أشكون أوكد فالراس العنين ولا الضراس؟
    164 آشرى حنحنة،فراسها مطحنة ،وحل راسو وفكنا أحنا.
    165 الله أكبر! قطعت حصور الجامع .(التهكم في تارك الصلاة)
    166 عمر ما وصلت جبهتو للارض،غير الى عثر وطاح.
    167 جمعهم فجمعة،ودارهم فركعة.
    168 اللهم بشوكتي ولا بداك الراس.(خصام بين العقرب والبقرة)
    169كن سبع وكلني
    170باش تقتل باش تموت آملك الموت
    171الوجه وجه الرحمة والقلب قلب الفحمة
    172اللي حلف لك خاف منك ولا تقى عارك.
    173اللي تشوفو مع مو علاش تلومو.
    174 سبق الميم ترتاح.
    175 لا زربة على صلاح.
    176 لاتعمل خير لا ترى شر.
    177 لا تورد قبل لا تسقي و لا تخلص قبل لا تشري .
    178 لا توريشي القرد كيف يخسر وجهو.
    179 لا لا فين ما كانت شعبانة نكون أنا.
    180 لا ديدي لا فانيدي.
    181 لا متاع يبقى لا وجه يتنقى.
    182 لا تيق فالشتاء د الصيف ولا فكلام الضيف .
    183 لا تحرث المفلق، ولا تصاحب المقلق، ولا تزوج المطلق .
    184 لا تيق فالعام اللي قمقومو أخضر ،الحرث حرث والجنان جنون .
    185 لا تقنط ولا تقول باش نعيش ،منين جا البيضة العظم والريش.
    186 لا تزوج الهجالة وخا يكون خذها كيف المشموم ،أنت تتصرف تصرف الرجالة ،وهي تتقول الله يرحم المرحوم .
    187خيزو بالتقاشر ومسلالة بالنظاظر.
    188الجوع كيعلم السقاطة والعرى كيعلم الخياطة.
    189المعلمة حمقة فين المقص فين الحلقة.
    190 السلطان براح :اللي اولد ما اربح.
    191 سيفتها سيفت الناس وقلبها قلب النحاس.
    192سعد الزينات داوه الشينات.
    193 زين الخلالة والبلى من الدخالة.

    194 الى بغاك الزين بكمالو فين جاوا النجوم الى مالوا.
    195الى الناقة جابت الشعير آجا البعير يدير.

    196 ما عارف بالوحلة غير اللي قارصاه النحلة.
    197 الخوت بحال العنقود فيه الصالح والمفسود.
    198 الدنيا يسموها ناقة ولا عطاتك بحليبها ترويك.
    199 الكرش غرارة ورباطها عقلها.
    200اللهم أعمش ولا أعمى.
    201 اللهم فرجلي ولا فصباطي.
    202 اللهم اسمعنا :هز هذا ،و نزل هذا، وارفد هذا،وحط هذا،ولا تسمعنا اللهم بحس الطاس والمنديل.( دعاء المتطفلين )
    203 الكذاب نسيه وسولو.
    204 العسل بالفنتةو الزبدة بالقطبان.
    205فاس على نزايهو وزلاغ مقابلو.
    206مشينا لفاس نبياضو زدنا ألهم على سوادو.
    207 الله ينجيك من دعوة الباطل .
    208 الله ينجيك ما نجا اللسان ما بين السنان.
    209 الله **** اللي يتيق ولو فخاه الشقيق.
    210 الله يعطيك زين السعود ،راجل زين ومنقود،ومو تحت اللحود.
    211 الله يجيب اللي يفهمنا ولا يعطيناش.
    212 الله ينجيك من الساكت الى دوى.
    213اللي غرسوها يديك يفرح لها قلبك .
    214عزيز النفس يعطي ألحق ما يطلبو .
    215 الراجل واد والمرا صهريج .
    216 اللا هنية جاب الله الملك بلا نوية.
    217 أسيدي امبارك بن عبابو،أعطيني راجل بلا أحبابو.
    218 الله يعطيك راجل ملوي فكساتو ،لا يماه لا خواتاتو 219الله يعطيك زين السعود ،راجل جميل ومنقود ،ويماه تحت اللحود.
    220اللي خداتو يما،نقول ليه عزيزي .:aass::aass::aass:
    221تب تب ( تبت ) يا سيد الغزاوي،:cray::cray::cray:صابني عجوزة و رماني.:cray::cray::cray:
    222 اللي خدا بنت عمو ،بحال اللي عيد من غنمو.
    223 اللي خدا امرأة قد أمو ترفدلو همو.
    224 اللي أمنك ما خونك .
    225 اللي عطاك يعطينا.
    226 اللي بغى البقر الله يبليه بزبلو.
    227 اللي بغى يجبد عار جارو يطلق عليه صغارو.
    228 اللي سول الحمق يصبر على جوابو.
    229 السلهام والعمامة وقلت الفهامة.
    230 مارس مسلخ البقر من الراس وخى يكونوا ملاسوا ،وكيخلي كل عشبة براس. (الربيع)
    231 مارس الى صابها نوار، يزيدها نوار فنوار ، والى صابها غبار يزيدها نوار.(الربيع)
    232 سعد السعود كتخرج الحية والقنفود و كيطلع الماء فكل عود. (الربيع)
    233 الى روات فبطن الحوت (منزلة فلاحية )، وخى يصوط النطح (منزلة فلاحية )بالحانوت(الرابوز).
    234 سعد الأخبية مجمد الماء فالخابية.
    235 البلدة كترد العروسةقردت والعجوزة جلدة .
    236 خروج الليالي نعايم ،و خروج الصمايم نقايم.
    237فبراير يخلي شعر المعز كيتطاير على كل ظهاير
    238بين السبولة والفولة كيموت ولدالمهبولة.
    239إلى دخل مايوحصدو وخى يكون فلايو
    240الى ولات ورقة الكرم قد ودينات الفار تيتساوى الليل مع النهار
    241في الليالي حياني ما تستس جديانك من جدياني
    242فاتك الغرس قبل مارس
    243إلا تناصفات الليالي بشر بالصمايم
    244الشتا(المطر)في الصيف بحال كدوب الضيف
    245حرث الليالي كي الاول كي التالي.
    246الشرط قبل الحرث ولاخصومة عند النادر .
    247اللي كتبغيه مو كثيركثير تنسج لو كسا فحصاد الشعير.
    248مارس بياض الفلالس.
    249سعد السعود كتكز النحلة فالعود.
    250الى كانت الضبابة غير خرج ولادك للغابة .
    251ال جا بلارج مابقى ما يتعالج
    252الشتا ديال الخريف ما تجيب صيف.
    253بطن الحوت,الدرة ولاتفوت,الما ولا نموت.
    254سعد البلدة كتضرب حتى للكبدة.
    255سعد البولع ,وكلو مايشبع كلمو مايسمع
    256الدبران(منزلة)اتي عيالك بالعصيان وجمالك بالقطران.
    257ولد الناير لا حطبة لاشطبة لازيت لاخماير.
    258غشت,غشت طياب الكرموسة من الوسط.
    259 سعد الدابح لا وجوه تشابه لا كلاب تنابح
    260 الا صبت الشتا ف ماي غي حرث وكول ها الكبال جاي
    261 فين دزتو على براير ومارس أحراثين البراgع.
    262 ما تعزل جديك من الجديان حتى تجي الليالي حيان.
    263 سعد الخبية تخرج كل ما هي مخبية وتفرح كل من هي مخبية.
    264في فبراير, كا طيح الشتا بلغراير.
    265 فاتك الغرس قبل مارس.
    266شهور "الراء" لا تنعسش برا.
    267ما كيخرج من دارو فالشتا غير اللفتا.
    268إلى تكلم الرعد فالليالي ,فالربيع نمخض لعيالي.
    269اللي بغا الوضوء الدايم يسخن الما حتى فالصمايم.
    270 الى اخدم هاد الريح كلو شتا ،كيرجع كل شي بكور.
    271 فاكهة الشتا نار (الشاي )،وفاكهة الربيع نوار ،وفاكهة الصيف غمار (تجوال وسياحة)،وفاكهة الخريف ثمار (فواكه...).
    272 برد يبرير يرعد الخنزير .
    273 غزلت قياني، ورعيت جدياني،وعود العواد فعينك أحيان(شهر فلاحي في مارس).
    274 نهار 25 مارس الى ماكانش (الحموص)معرق أو مورق والله فطاجين يماك لا مرق.
    275 ( مارس )أنفزgك وانشفلك،وطرف دالخبز ماعندي منين نجيبو ليك.
    276 الرعد دمارس أما فالنسا أو فالبهايم.
    277 سبع ديال السحايق فالعام كامل، وسبعة فمارس بوحدو.
    278 قال مارس:الى احضرت أنا غيبوا (الشهور) كاملين ،والى غبت أنا احضروا كاملين .
    279 يناير قتال الخماير.
    280 يبراير كباب الشتاء بالغراير.
    281 فبراير صباب الماء بالغراير.
    282 مارس بمراسه،سلاخ البقر من راسو ،بعد لا يملاسو.
    283 ابريل الضليل مرة شرقة مرة برقة،حتى طرطق الورقة.
    284 منين كيدخل مايو ،كل يتيم يعمل بريو.
    285 اللي خلع فمايو ،تلف الله ريه.
    286 فمايو هاتو المناجل وهايو .
    287 الحباب بزاف والدموع قلال.
    288 عروستي بسلامتها سيقات عاد عزفات.:
    289 مشى يفوج رجع مزوج .:eek:
    290 مشيت لدار أبا نرتاح لقيت البكى والنواح.:
    291 عمر داود ما يعاود .:
    292 إلى وصلت لودنيك غير عضها.Very Happy
    293 لا حمار لا سي عمر .:detective2:
    294 لا حمار لا سبعة فرنك .:aass:
    295 الديب حلال، الديب حرام، الترك أحسن.d8s
    296 ضربة بالفأس ولمعيار الناس.
    297ضربة بدمها ولا كلمة بسمها (أو بهمها).
    :harhar1:
    298 ضربة ديال الحديدة تبرى أو عمر كلام العار مايبرى.fg
    299ما لقى ما يدير لاح راسو فالبير.:
    300 حتى كلى وتكى عاد قال الخبز بلا مسكة.
    301كذب اللوز و صدق المشماش و كذب الشيب و صدق التكماش .
    302 درهم آخرها هم ودينار آخرها نار.
    303 مكتوبة فالدلوd8s إلى ما عجبك صاحبك:ggg: بدلو .:
    304خبي زينك إلى يتشاف و خبي عيبك إلى يتعاف SmileSmileSmile ..
    305:)SmileSmileسال خيك واش كسب شي أما الطبايع ماتبدل شي SmileSmileSmile
    306 :جاري يا المرايا إلى ما شفتي وجهي تشوف قفايا

    307غسلات الدجاجة رجليها و نسات ما داز عليها.

    308ما عارف بالوحلة: غير اللي قارصاه النحلة
    ا لخوت بحال العنقود فيه الصالح )و المفسود. :

    309كثرة المراود كتعمي العنين.
    310قاه قاه و اللي دارشي يلقاه.
    311عيب على الجمل إلى طلع لراس الصمعة،أما بلارج هديك هي بلاصتو.
    312الراجل بالهمة أما اللحية حتى عند العتروس.
    313اللوسة سوسة وخى تكون قد الفلوسة.

    314النوطة ما تبغي النوطة وخى عورة ولا مزلوطة.
    315الشرايك كيهبطو متعانقين،و النوايط كيهبطو متفارقين.
    316قالوا زمان :_ عار الجار على الجار ولا التقار.
    317 قالوا شكون يشهد ليك العروسة ؟قالت ليهم :أمي وخالتي والحز ارة جارتي.
    318ـقد الكسوى قد اللي تسوى.
    319ـ قلّة النية فيّا ولاّ فيك دابا يطول الزمان ويبان الخدّاع.

    320ـ دير يديك فعينيك اللي يضرك يضر غيرك.

    321ـ اللي جرحني وبكّاني،ماعندو الوجه باش يلقاني.

    322ـ اللي تبزّي كترزي.
    323ـ يدّي فجنبي وأنا نسعى الgدور.(بدل مانسعى الgدور نصنعها بيدّيّ)

    324ـ اللي خلعاتو يكتب(يطلق) واللي عجباتويخطب.

    325ـ الزواج بالنية والحرث بالنية أرسول الله.

    326ـ خدمتو على راسو وجميلو على الناس.

    327ـ الشوف ما يبرد الجوف ،والناقة ما ترضع خروف، واللي يركب يركب على عَوْد(حصان) معلوف ويْسَرِي بيه بلاد البلى والخوف.

    328ـ اللي فرطتي فيها لابد تندم عليها.

    329-بالنخوة احسن من اصحابوا،وحتى اعشاه ما يكسابوا.

    330ـ منين ماقدش على احماتو،خاصم امراتو.

    331ـ لا خير فالراجل إلى ما جال،ولاخير فالمراة إلى جالت.

    332ـ لا تدي مطلق وتحرث بمحراث معلق.

    333-الزواج والموت همم لايفوت
    334-السن تضحك للسن والقلب فيه الخديعة
    335-شحال غابو ماشي شحال جابو
    336-اللحم الخانز مايرفدوه غير ماليه


    337/خادها بسبعة فرانك وبغاها تولد لو قايد
    338/شاط الخير على زعير حتى فرقو بالبندير
    339/الخيمة الكبيرة الى ماعشات تردف
    340/قالو باك طاح من العود.قالو من الخيمة خرج مايل.
    341/ميات دق دق ولا واحد السلام عليكم
    342-الزواج الى راق كيغيرو منو العشاق.
    343-سيدي الفقيه يدو فالدواية وعينو تغمز.
    344-معشي ومغدي وطامع فمايدي
    345-اللي ماخرج من الدنيا ماخرج من عقايبها.
    346-الكلب اللي يكثر النبيح مايعض.
    347/بحال حمال النعش يدي مايرد
    348/المنامة أطول من الليل.
    349/رايك زين وما نديروش.
    350/ما كيقبط الحسايف غير ولاد التلايف
    351-مرحبا باللي جا وجاب.
    352-الفلك يدور والسوايع بدالة
    353-الحمية تغلب السبع واللبية (اللبؤة)
    354-خير الغزوات يارسول الله ماشافونا ماشفناهم

    355/ بنت الكندوز(رجل دنيء) على مال باباها كتدوز
    356/ اللسان مافيه عضم ولكن كلمة منو كتحطم.
    357/جارك لعزيز لاتجاورو بمعيز.
    358/اللي عيبو فلسانو ما يعمر حد مكانو.


    359ـ من دارالعرس ما نخرج أنا،إلى غُبشوا هما نضحك أنا.

    360ـ قد الكسوى قد اللي تسوى.

    361ـ قلّة النية فيّا ولاّ فيك دابا يطول الزمان ويبان الخدّاع.

    362ـ دير يديك فعينيك اللي يضرك يضر غيرك.

    363ـ اللي جرحني وبكّاني،ماعندو الوجه باش يلقاني.

    364ـ اللي تبزّي كترزي.

    365ـ يدّي فجنبي وأنا نسعى الgدور.(بدل مانسعى الgدور نصنعها بيدّيّ)
    366-حط يديك على قلبك واللي وجعك وجع الناس
    367-ماكاياكل وحدو غير الطبل
    368ـ اللي خلعاتو يكتب(يطلق) واللي عجباتويخطب.

    369ـ الزواج بالنية والحرث بالنية أرسول الله.

    370ـ خدمتو على راسو وجميلو على الناس.

    371ـ الشوف ما يبرد الجوف ،والناقة ما ترضع خروف، واللي يركب يركب على عَوْد(حصان) معلوف ويْسَرِي بيه بلاد البلى والخوف.

    372ـ اللي فرطتي فيها لابد تندم عليها.
    373/كاع اللي جا من الظهرا ولد عمك آزهرا
    374/لو كان ما الحناش ما يكونو عيساوة
    375/اللي بغا الوقر كيجبدو لراسو.
    376/حتى ثور ماعيوه قرونو

    377-الهجالة دواها عند الرجالة
    378-الخير حملو تقيل على اللي بغايردو
    379/عطي للدجاج النخالة باش ما يقعقعوش عليك.
    378/حافظ الستين ويسب الملة والدين

    379-كيتعرفو ولاد العروق من ولاد الخروق.
    380-الحاجة الخفيفة ما تجي فالصداق
    381-باق بوقك ودخل الدلال سوقك

    382/الى مات الفيل كيبقاو عضامو راس مال
    383/الى كلى (أكل )النسر عاشو ولادو
    384/الهمة احسن من ركوب الخيل

    385/الى رخص اشعير كيغلاو الحمير
    386/إلى متباعدين يتصايحو والى متقاربين يتناطحو

    387-نعطي بنتي ونزيد عولتها شعير.
    388-اللي غرس عود ياكل الغلة واللي غرس بنادم يورث لو العلة.
    389-الى تزنك الحبل ما بقالو غير التقطاع.

    390ـ ربي الكلب ينفعك وربي كحل الراس يقلعك.

    391-تزوجنا لايكولو بايرات وولدنا ليكولو عاكرات
    392-بفلوسو دارو الاكتاف وعلى تالي ردوه جفاف.

    393ـ يحاسبوا اللي دبح وينساوا اللي سلخ.

    394ـ بحال القديد،مالح ولذيذ.

    395-ما تنفعك تباخر يا اللي داك منداخل
    396-اتاي ورضا الوالدين ما يشبع منهم حد.


    397ـ الصاحب لا تلاعبه والناعر لا تفوت عليه.

    398ـ الزردة قريبة توجد ولو تكون فبغداد.
    399ـ كُلُّو سلف و دين حتى المشي على الرجلين.

    400ـ اللي تخاف منّو ما يجي احسن منّو.

    401ـ اللي يخاف من العفريت يطلع لو.
    402-اللي تعاون معاك على الشر ظلمك.
    403-الي ما صبر للمصايب الصغيرة كيبليه الله بالكبيرة.

    404ـ المطلوبة بالوجه ماترد بالقفا.

    405ـ برا ما برا امشى للمقبرة.
    406-ألف فارس ما تكشط عريان
    407-أصل العداوة مزاح.
    *اللي تزوجو قبلي ما نصحوني واللي تزوجو بعدي ما شاوروني.
    *الفلك يدور والسوايع بدالة
    *بحالو بحال القرد شدو يحزر ,طلقو يكفر.
    *لهلا يجعلنا للبلا صداف(بالفيلالية نقول : لهلا يجيبنا في ترعة بلا)

    411/الله ينجيك من الفلوس الى كثرو ومن الولاد الى كبروا.
    412/كيدور بحال عقيق التسبيح.
    413/لو كان ما الشهاوي ما تنفد سلوع.


    -414اللي تناكيه ،اسكت عليه وخلّيه.
    415-للاخرجات ومبريكة كلات العصا.
    416/دارت راي بنت الدرب باعت الدفة وشرات الكلب.
    417- سيحت الزربة جيت نطل
    418-البكا من ورا الميت اخسارة
    419-اللي ماعندو فلوس كلامو مسوس وما معاه كلوس وغير يسوس
    -420ضرب وبكا سبق وشكا
    421-اليتيم مايحلاس مايملس مايدير باش يبغيوه الناس
    422-الزين كايخاف على زينو والخايب غير إيلا هداه الله
    423-الوجه المشروك مايتغسلش
    423-اللي حرثو الجمل دكو
    424-لالة زينة وزادها نور الحمام
    425-مافالهم غير اللي كايفهم
    426-طاحت الصمعة قالوا علقوا الحجام
    427-قال اقصير قالو اثنيه وآراه
    428-جا بلارج يبوس ولدوا اعماه
    429-قال اشمتك قالو اعرفتك
    430-اقليل وامداوم ولا اكثير ومقطوع
    431-فين ماتضرب لقرع يسيح دمو
    432-قال بشحال القوس آمول القوس قالو دابا تشريه بلا فلوس
    433-اضاربوا العجول وزغب الله على البرواك(نبتة صغيرة)
    434-اللي كان عشاه كلية(الحبوب التي يتم تحميصها وبالخصوص الفمح) يبدا تغزازو بكري
    435-البهيم كاتربط من قرونها ولا عنقها والراجل كايتربط من لسانو
    436-اللي ماجال ماعرف حق الرجال
    437-الجولة كاتعلم الرجولة
    438-دوز عليه هرهوري لاتدوز عليه سكوتي
    439-الساهل فالعروض(الأبقار) كيدو(قيدو)
    440-الكي فالبكر والحمير تزعرط
    441-مول الطيبة فطيبتو والمش تحركات(تحرقات) قزابتو(لفظ يطلق على ذيل الحيوان)
    442-كثرة المراود كاتعمي العين
    443-اللي ماعندو سيدو عندو لالاه
    444-اللحية ماكاتهز اختها غير للقبر
    445-عز الخيل مرابطها
    446-لاتامن لاتستامن في بلاد لامان
    447-زكوم بلادي ولا عسل البلدان
    448-جا حتى لبلاد فلايو وخاف يضربو البرد
    449/الكلام بين جوج والثاث فضولي
    450/البس ما ستر وكل ما حضر.

    451/يدو فالمخفية وعينو فالخامية
    452/اللهم قبر منسي ولا شكارة خاوية

    453ـ للاّ مهيلة بنت سيدي بلاّتي.
    454ـ تبّع القصارة كلى البيصارة.
    455/مول الطروفا أحسن من
    مول الخبزات
    456/ كلام الليل زبدة إلى ماداب اليوم يدوب غدّا.
    457/كلها كيعطيه الله على قد نيتو
    458/التاجر الى فلس كيولي 459/عشرة في الجيب احسن من مية فالغيب
    460/عشرة فالكف احسن من مية فالتلف

    سمسار.
    461-اللي عطا ورتو فحياتو يطلب الله ولا غاتو
    462-اللي فرق ورتو فحياتوبحال اللي دك وتد فلهاتو
    463-اللي عطا ورتو فحياتو كاع اللي داروها لو واتاتو


    464-الزين يحشم على زينو والخايب غير ايلا اهداه الله
    465-الزين لازين الفعال
    466-الزين فالذفلة وحار
    467-لالة زينة وزادها نور الحمام
    -468كل زين وليه لولة حتى بلعمان فيه الكحولة
    469-لازين لامجية بكري
    470-حقها فالزين اخداتو وحق غيرها مالقاتو
    471/دباز الخوت دغيا يفوت
    472/ دباز الخوت حدو العتبة.
    473/ دباز الحباب من العتبة للباب.
    474/دباز الحباب من السطوان للباب.

    475-اللي دار الذنب يتساهل لعقوبة
    476-اللي دار راسو فالنخالة ينقبو الدجاج
    477-اللي دار صبعو فالغار يعضو الحنش
    478-اللي دارها بيديه يفكها بسنيه
    479-اللي دارها المخزن هي اللي كاينة
    480-اللي دارتو المعفونة ياكلو راجلها
    481- سد باب دارك ولا تخون جارك .
    482-سد باب دارك ما سمع حد خبارك.
    483-سد باب دارك وانعس هاني.

    484-الله ينجيك من الحالف والمحلوف و اللي كاعد فوق الكدية ويشوف.
    485-الله ينجيك من الساكت الا دوا
    486-الله ينجيك من الساكتة الا دوات ومن الحاجبة الا طلات
    487-الله ينجيك من المشتاق الا ذاق
    488-الله ينجيك من المرا الهدارة ومن الحمارة العطارة
    489-اتبع الكذاب حتى لباب الدار
    490-خلي الكذاب حتى ينسى وسوليه
    491-اللي كال ثوري حراث ها التيرس
    492-الكذوب المزلك القرعة طاحت والزيت بقى معلك
    493-عين الشمش ما تغطى بالغربال
    494ـ الكدبة المبرقة،طاحت القرعة وبقات الزيت معلقة.
    495ـ يكدب عليك الكداب،اللي زوق عينو وهي فالدموع عايمة،واللي يقول مرتاح وجفانو ماهي نايمة.
    496ـ الطماع كيقضي عليه الكداب.
    497ـ الزور ما يفتح ديور، والكدوب ما يعمر دشور،والصح والمعقول هو اللي يدور.
    498ـ كدب اللوز وصدق المشماش،كدب الشيب وصدق التكماش.
    499ـ عييت ما نكدب ولكن الحب غلب.
    500ـ اللي قال حرّاث،ها الحبالات(مكان بأولاد جامع بضواحي فاس).
    501ـ اللي اتكل على حليب جيرانو،باتت تشيشتو مفورة.
    502ـ اللي اتكل على مريقت جارتو،تيبات بلا عشا.
    503ـ اللي اتكل على الظلمة،بات بلا عشا.
    504ـ اللي اتكل على جارو ،باتت عشاه على نارو.
    505ـ اللي اتكل على الناس يتاجْرُو لُو،بالكوادم(القادوم) ينجرو لو.
    506-اللي كثرو بناتو كانو الكلاب نسابو .
    507-اللي كثرو بناتو كثرو عديانو
    508-اللي كثرو بناتو كتر همو
    509-اللي كثرو بناتو قلال رزقو
    510-اللي كترو بناتو كترو عيوبو
    511-اللي كتروبناتو كترو حسادو.

    512/كل زرع كيجيب الله من يكيلو
    -513كل زرع عندو كيالو
    514 -كل فولة متقوبة كيجيب لها الله ديك اعور
    515-كل تمرة خامرة كيجيبلها اله بوشام(طائر) اعور


    516ـ الكداب نسيه وسولو.
    517ـ اللي بغى العسل يصبر على قريص النحل.

    518ـ اللي بغى الحوت يفزك عليه سروالو.

    519ـ اللي بغى نِينّو يشطح الليل كلّو.

    520ـ اللي حب الزين يصبرلثقيب الودنين.

    521ـ اللي حب الجبح ما يقول آآح.
    522/اللي بغى التقار يجبدو لراسو.
    523/اللي بغى النجوم بالليل كيمشي لهم بالنهار.
    524-اللي بغاك بغيه واللي جفاك جفيه.
    525-اللي بغى الوضو الدايم يسخن لو الما حتى فالصمايم

    526/خوك خوك لايغرك صاحبك.
    527-خوك خوك يمضغك ما يسرطك
    528/خوك خوك يحوزك ما يدوزك.
    529/ خوك خوك اما ولد الناس يقد يكون عدوك.

    530ـ خدم باطل حسن ما تبقى عاطل ،وإلى شفتيها حفات رجع حوّات.

    * الخاطب ما يكون غاضب.

    *الحساب صابون.
    * السلف يربّي العداوة.
    *طبيخ الشركة شايط.
    *كلها علكو فحنكو.
    *كلها ينش على كبالتو.
    *المعوّل راحل.
    *اللي ما كلا بيدّو،ما يحمارو خدّو.
    *الوجه ضاوي والجيب خاوي.
    *كليتو عمّرني حطيتو خنّزني.
    ـ كل ختّار عتّار.
    ـ ذنبهم على جنبهم.
    ـ الوافي ما يحافي.

    * قبيحة وتقرس.
    *الغايب حجتو معاه.
    *الله يعدّيها بخير.
    *الله يطعمنا حلال.
    *الله يرحم من زار وخفف.
    *الله يرحم ضعفنا.
    *الله يرطب علينا ما نزل.
    *الفرخ كيشبه لخوالو.
    ـ الناس طوب وحجر.
    ـ الكفن مافيه جياب .
    ـ كل محنة كتزيد عقل.
    ـ اعبر شبرك وجلس فيه.
    - إلى تلفتي أجي عالي.

    / تمتم وأنا نفهم.
    / كتدير من الحبة قبة.
    ـ الطير يحضي عشُّو.
    ـ اللي حلبت تسرح.
    ـ اللي غفل طارت عينو.
    ـ العصا من الجنة.
    ـ المربي من عند ربي.
    ـ اللي عيب ينوض يطيب.
    / الحاجة خير من قيمتها.
    / اللي عطاك يعطينا.
    / اللي بسعدو الريح يحطب لو
    _ خرّج منو الزيت العَنْكوِرية.
    ـ اللي حصل كيودي.
    ـ كيف ما درنا وحلة.
    ـ الواد كيطمع فالساقية.
    ـ معرفة الرجال كنوز.
    ـ خفُّو دفُّو.
    ـ سْفريطَة،وجه الغيطة.
    ـ عز الخيل مرابطها.
    ـ الضحك كيفسخ البيع.
    ـ البس قدك يواتيك.
    ـ كور وعطي للعور.
    ـ اللي عمات ليه سير وخليه.
    ـ ما يعرف كعّو من بعّو.
    ـ عمر الربيب ما يكون حبيب.

    ـ اللي تبزّي كترزي.
    ـ الموت والرِزيّة.
    ـ الهندقة والميت فار.

    ـ ياكلها باردة مبردةd7k.
    ـ الدعاوي بالرشاوي:1aa:.
    ـ جا يكحّلها اعماها:dunno:.
    ـ اللي باعك لا تشريه.
    ـ شبّع وطبّع.
    ـ مول الصبر كيجبر(كيلقى).
    § تمتم وانا نفهم.
    § هز طلق.
    / ضارب راشق.
    / كل منقوص منحوس .
    / اللي تخليك خليها.
    / حمقى وحواقة.(متانقة).
    / آخر اللقمة عجين.

    / الطمع طاعون .
    / كل ختار عتار.
    / تمتم وانا نفهم .

    / الحساب صابون .
    / سرك فبير.
    / سبق الميم ترتاح .
    / كبر خبزتك تباع.
    / اللسان ما فيه عظم.
    / كل داوي مسوس.
    / حسنلو بلا ما.
    / اللي فالرزق يلحق.

    / الشركة هلكة.
    / حن تمحن .
    / قبيحة وتقرس.
    / القلة والعلة .
    / قديم وغشيم .
    / العصا من الجنة.
    / الشنعة بلا شبعة.

    / شّبع و طبّع.
    *بنادم السفيه ظاهر من عينيه.
    *بنادم السفيه كيقول غير اللي فيه.
    *الدنياكلها تفوت وبنادم هايم فيها حتى تديه الموت.
    *أللي غرس عود ياكل الغلة واللي غرس بنادم يورث لو العلة.
    * ربي الكلب ينفعك وربي كحل الراس يقلعك.
    *بنادم الخاوي خاوي وخّى تقيّل تداوي.
    *بنادم ما تعرفو حتى تعاشرو.
    *راس بنادم ما يتفتش.
    *كلشي غرسو ينفعك إلاّ بنادم غرسو يقلعك.
    *بنادم المزيان من بعيد كيبان.
    *يا السايلني على الغول والغول هوبنادم قصيرالودن،لا تربّيه ولربّتيه راك نادم.
    *يا بنادم لا تغويك الدنيا ودير فبالك القبر، راك ما تدّي غير ربعة وشبر.
    *بنادم ما تعرفش آش تحت راسو.
    *الله ينجيك من عين بنادم إلى كنت غليظ فاخر ينفعوك للمجامر،وإلى كنت رقيق غير سير للمقابر.
    *بنادم أتهينو كولو كارم لا تلينو.
    *الثلث الخالي هو راس بنادم.
    ـ بعدما كانت خادمة،صبحات فالبيت حاكمة.
    * الله يجعل الخير فاين يتصاب .
    *الله يعّديها بخير.
    *لهلا يخيرنا فاضرار.
    *الله يجعل سعدك خير منك.
    *ما تدير خير ما يطرى باس.
    *الخير ما عندو بّاه ،ونكّار الخير حرامي.
    *مول الخير يموت،ومول الحق شحال ما طال يلحق.
    *كل توخيرة فيها خيرة.
    *كون الخير فالبصلة كاع مايغرسوها على راسها.
    *دير الخير فدارك عاد شوف جارك.
    *الخير موجود واللي يديرو مفقود.
    *غير دير الخير معاها وإلى طلقتيها لا توريها دار بّاها.
    *الخيرمن المرا ،والشرمن المرا.
    *اللي ما عندو الخير فركانو يديرو فراس لسانو.
    *اللي مالقى الخير فركانو، يكون الخير فلسانو.
    *بقيت نخمم حتى طلع الدم كنطلب ربّي بالخير يحكم.
    *التحزيمة والتبسيمة والخير الله يجيبو.
    *ظاهر الخير على قزيبة الحنش.
    *الخير كالبغل إلى شبعتو يركل وإلى جوعتو يهزل.
    *الخير كصاص ولا نصاص ولا تبدال العتابي.
    *الخير فالكريم طبيعة وفالبخيل دفيعة.
    *دير الخير ورميه موراك.
    *دير الخير ورميه فالبحر.
    *فاعل الخير هنيه بالفرح والشكر ديما.
    *خير الماكلة ماخضر وخير اللبسة ما ستر وخير الأسماء محمد خير البشرية.
    *ديري الخير ولوحيه فبحر جاري وإلى ضاع عند العبدما يضيعش عند الباري.
    *قيس خيرك بمهارة إلى زاد زيدو غرارة وإلى ما زاد زيدان خسارة.
    *الخير عيطة حنينة نوضات قلوب المحنة.
    *لو كان الخير فاللسان كون حرث من هنا حتى لتلمسان.
    *الخير كيجلس والشر كيكمش.
    *المعروضة من الخير.
    *الخير ما مسمر والويل ما مGامة.
    *دير الخير ونساه يديرلك طريق فالبحر.
    *وحدة تجيب الخير معاها ووحدة تطردو بعمود.
    *شحال من خروف سبق أبّاه للGرنة.
    *شحال ما دارت يدّي تودّي.
    *شحال من واحد يضحك حتى يبانو سنانو، وقلبو عامر بالغدر لقرانو.
    *شحال قد الذيب ما يهرب من الشمس.
    *المرا تهرب من الشيب كيف النعجة تهرب من الديب.
    *يحسب بالألف ويمد بالكف.
    *الربيب بحالو بحال القُلَّة ما عرفناه جاي باللفعة أو العلَّة .
    *اللي بغيتيه يعيش فالهم والغرايب،قولُّو:الله يسلط عليك الربايب.
    *عمّر الربيب ما يكون حبيب.
    *ولد الضرَّة ما منٌّو مسرَّة.
    *الربيب كلو علة طِيْرو يا جاه الرحمان.
    *إلى كانت بنتك عطيها تغربل الزرع،وإلى كانت ربيبتك عطيها تغربل الشعير.
    *كيقول الربيب:"حنّات فيّا مرات أبّا مسحات لي خنونتي بالشريط.
    *راي زينب باعت الجنان وشرات العنب.
    *وقّر الشيخ من راسو.
    *الراعي اللي ما بايع ما شاري يبقى بلا دراري.
    * لا عين شافت ولا قلب وجع.
    *مثقوب الحنك ما يصفّر.
    *قاللو:شكون عدوك أحمزة؟قاللو:شريكي فالخبزة؟
    *شكون داها فيك الحريرة ليلة العيد؟
    *شكون داها فيك الزميتة فنهار العيد؟
    *شكون حس بيك المسوكة بالليل و المكحلة بالقنديل؟
    *شكون شافولك المكحلة فالظلام؟
    *شكون اللي حسن الريال ولاّ لحية السلطان؟
    *شكون يحك للقرع غير ظفارو؟
    *شحال من هم تقراه ما تراه.
    *نتينا جارة مزورة فالحيط مزورة.
    *لهلى يخطي الدفة ديال باب الدار.
    *اللي ما ولدو ما حن عليه.
    *اللي فيه البلية ما ينساها.
    *القاعدة فالراس والخسارة فالكراس.
    *العمود مايطيح غير على اللي قريب منّو.
    *إيلا شفتيهم سولو علينا عرف حاجتهم فينا.
    *إيلا فاتتك عيشة فالدار شوف خاها فالسوق.
    *إيلا دارها الفقيه إيّه وإلا داروها الدراري ياكلو عليها العصى.
    *الله يهديك الله يهديك،الريح اللي جا يدّيك.
    *ما يتبع المعقول غير المهبول.
    *كبير الكرش تفركع ليه.
    *نقضيوا بالتقعقيعة على ما يجيب الله التبعبيعة.
    *خدم يا التاعس على الناعس،نوض يا المتكّي تاكل.
    *بحال اللي كيزيّد اليهودي للجامع.
    *بحال اللي كيزيّد اليهودي للإسلام.
    *بحال اللي كيهدي الجوهر للدجاج.
    *بحال اللي كيكب الما فالرملة.
    *بحال اللي كيطبّل فالهوتة.
    *بحال اللي كيطبّل فالما.
    *بحال اللي كيعاود همّو لإبن عمّو.
    *بحال العجوزة إلى ماهدرات تهز راسها.
    *بحال اللي كيحسّن لولاد اليهود،لا آجر لا منفعة.
    *بحال حمّالين النعوشا ،يدِّيوا ما يردوا.
    *بحال اليهودي ما يفلح مايبني.
    *بحال اللي حصلات لوالمحشة فالدراس.
    *إيلا شار ليك الفال بالقمقوم تعرفها مشيت يوم.
    * خود ودّي تكسب ودّي.
    *اللي جابو البُو يدّيه الدرّي.
    *خليها فجواها حتى يجيب الله دواها،دواها ما يتصاب وهي ما تبرا.
    *أنا قولت لومن همّي قنطار،هو قالّي:هاك بلا عبار.
    *مشيت نشكيلو بالقفة جاني بالشواري.
    *القمجّة نقيّة،والجيب حتى وقيّة.
    *ياكل ربطة ديال الفجل ،ما يحلب بقرة ما يربط عجل.
    *إيلا قشابت خوك فالسوق عرف قشابتك تابعاها.
    *الحساب صابون.
    *اللهم العماش ولا بلاش.
    * أنا باللقمة لفمّو وهو بالعود لعينيَّ.
    *كيقول:شفّر وكيقول لمول الدارعسّ.
    *كوكانت النسيبة حبيبة حتى اللفعة تكون طبيبة.
    *اللي تقلق يشرب من البحر.
    *اللي عندو البحر عندو اللي يشربو.
    *دّاه حتى للبحر وجابو عطشان.
    *اللهم دالبحرولا البرّ بخماجو.
    *جغمة من البحر ولا جميل الGرّابة.
    *دير الخير ورميه للبحر.
    *البيت بلا مولاتو آجيوا تشوفو حالتو.

    1978mohammedia

    عدد المساهمات : 1
    نقاط : 1
    تاريخ التسجيل : 14/11/2012

    رد: أمثال مغربية 2

    مُساهمة من طرف 1978mohammedia في الأربعاء نوفمبر 14, 2012 1:56 pm

    بارك الله وفيكم...جزاكم الله خيرا على المجهود الجبار اللي تتبدلوه في جمع هاد التراث الشفهي وتتساهموا في عدم نسيانه..تقبلوا شكري واعتزازي بكم وبهذا الموقع المميز..
    avatar
    الكبير الداديسي
    Admin

    عدد المساهمات : 934
    نقاط : 2736
    تاريخ التسجيل : 08/01/2011

    شكر

    مُساهمة من طرف الكبير الداديسي في الأربعاء نوفمبر 14, 2012 5:13 pm

    مرحبا بكم عضوا ضمن منابر المغرب وننتظر مشاركاتكم
    avatar
    SiDi Abdelghafour
    عضو شرفي
    عضو شرفي

    عدد المساهمات : 51
    نقاط : 83
    تاريخ التسجيل : 18/12/2011
    العمر : 22
    الموقع : www.facebook.com/abdelghafour.khairour

    رد: أمثال مغربية 2

    مُساهمة من طرف SiDi Abdelghafour في الأحد ديسمبر 02, 2012 4:25 am

    عمل رائع أستاذي العزيز
    lol!
    avatar
    الكبير الداديسي
    Admin

    عدد المساهمات : 934
    نقاط : 2736
    تاريخ التسجيل : 08/01/2011

    شكر

    مُساهمة من طرف الكبير الداديسي في الأحد ديسمبر 02, 2012 3:26 pm

    شكرا سيدي عبد الغفور بارك الله فيك

    ننتظر مساهماتك

      الوقت/التاريخ الآن هو الخميس ديسمبر 14, 2017 3:54 pm